近來媽咪回家時都帶有其他貓的味道, 唔通佢有"外遇"?

這是Peach, 媽咪廿年老死家中新加入的成員

這隻呢? 係媽咪跟她同事幫朋友餵貓時偷影的.

友人家中最近新添成員, 叫做Mark哥

佢目訓覺個樣好cute

但超級百厭

目訓好好似BB甘.

玩完狗之後, 我都係覺得貓適合我多D

我們都很愛我們的媽咪, 因為她有一個好好坐的肥臀臀.

媽咪, 記住唔好減肥呀!

每隻貓都有各自的性格, "入門"時間亦有先後, 他們之間當然會有地位之別

很難得才拍到的一張四貓合照.

表面上, 波子糖好像在守護著3位小姐休息, 但其實他在投訴他平常睡覺的位置被佔. (看他的表情多無奈)

波子糖: 媽咪呀, 幾個細妹霸o左我個目訓覺位呀, 快D幫我叫佢地走o拉

紅豆: o尼個位有陽光晒住, 好暖呀...

花生糖: 大佬, o尼個位o甘正都唔早D話我地知, 好似自私D喎.

牛奶妹: 咕嚕......咕嚕......

波子糖: 媽咪你睇我跳得幾高!

貓奴: 呀仔呀, 你唔係唔知自己幾有分量架o拉, 陣間個熱水爐有乜冬瓜豆腐我o係你D糧餉度扣!

波子糖: 唔好o瓜

話口未完花生糖又跳上去. o尼D真係大o既唔好教壞細

波子糖: o甘我上o尼度check o下乾唔乾淨都得o瓜

貓奴: 我保你大快D落返o來o拉. 唔係陣間你整爛D o野我地無$$$賠比包租婆o架!

 尼度係邊度?

尼個位好正架

 每次當貓奴洗地時, 都會把椅子都放上飯桌面. 而每次大
少都會在這位置賴死唔走. 就算洗完地都要繼續"僕"係度, 直至貓奴用武力清場.

今日12度, 人都唔願郁, 何況係貓.

星期日的下午, 無所事事之時, 就係搵周公傾計o既最好時機

牛奶妹同紅豆越來越似, 目訓覺都要粘在一起

波子糖好小目訓到o甘

偷影我! 你邊本雜誌架? 拆你菲林!

花生糖呢? 伸隻腳仔出來Say Hello

尼個可憐樣係扮出o來o架o查!

話時話, 尼個樣有D似松鼠

同事之之小姐送給幾位大少小姐們的禮物......貓隧道

幾位小姐玩得好開心. 把隧道由客廳玩到入房, 又由房推返出客廳

果然俾面. 之之小姐, 多謝晒!

天寒地凍最perfect當然是跟好友打邊爐o拉

墨魚滑, 又滑又足料, 正!

生蠔, 唔知o羊蚌, 丸丸, 羊片, 鱔片

會跳落地既瀨尿蝦, 肥牛

小姐調味的鮮牛肉

每人夾50蚊, 勁抵!!!